Advertisements
|
ജര്‍മനി പോളിങ് ബൂത്തിലേക്ക്; തെരഞ്ഞെടുപ്പ് ചരിത്രപരം
ജോസ് കുമ്പിളുവേലില്‍
ബര്‍ലിന്‍: ജര്‍മന്‍ പൗരന്‍മാര്‍ പൊതു തെരഞ്ഞെടുപ്പില്‍ വോട്ട് ചെയ്യാന്‍ ഞായറാഴ്ച പോളിങ് ബൂത്തിലെത്തും. ഫെബ്രുവരി 23നു നടക്കുന്ന തെരഞ്ഞെടുപ്പ് ആധുനിക ജര്‍മനിയുടെ ചരിത്രത്തില്‍ തന്നെ വഴിത്തിരിവാകാന്‍ സാധ്യതയുള്ളതാണെന്ന് പ്രവചിക്കപ്പെടുന്നു.
സി ഡി യു ~ സി എസ് യു സഖ്യം എസ് പി ഡിയുമായി മുഖാമുഖം ഏറ്റുമുട്ടുന്ന പതിവ് രീതിക്ക് ഇത്തവണ മാറ്റം വരുമെന്നാണ് മിക്ക അഭിപ്രായ സര്‍വേകളിലും വ്യക്തമാകുന്നത്. തീവ്ര വലതുപക്ഷ പ്രസ്ഥാനമായ എ എഫ് ഡിയുടെ വന്‍ മുന്നേറ്റം കണക്കാക്കുന്ന തെരഞ്ഞെടുപ്പില്‍, അവര്‍ പാര്‍ലമെന്റിലെ രണ്ടാമത്തെ വലിയ ഒറ്റക്കക്ഷിയായാലും അദ്ഭുതപ്പെടാനില്ല.
സി ഡി യു ~ സി എസ് യു സഖ്യത്തിന്റെ ഫ്രെഡറിക് മെര്‍സ് ആയിരിക്കും അടുത്ത ചാന്‍സലറെന്നു കരുതപ്പെടുമ്പോഴും പാര്‍ട്ടിക്ക് ഒറ്റയ്ക്ക് സര്‍ക്കാര്‍ രൂപീകരിക്കാന്‍ സാധിക്കില്ലെന്ന് ഉറപ്പാണ്. ഒരു പക്ഷേ, പ്രധാന എതിരാളികളായ എസ് പി ഡിയെ തന്നെ കൂട്ടുപിടിച്ചാലേ സര്‍ക്കാര്‍ രൂപീകരണം സാധ്യമാകൂ. ചെറിയ പാര്‍ട്ടികളായ ഗ്രീന്‍, എഫ് ഡി പി തുടങ്ങിയവയുടെ നിലപാടും നിര്‍ണായകമാവാം.
എ എഫ് ഡിയുമായി ഒരു തരത്തിലുള്ള സഖ്യവും പാടില്ലെന്ന് മുഖ്യധാരാ പാര്‍ട്ടികള്‍ നേരത്തെ തന്നെ തീരുമാനിച്ചിരുന്നതാണ്. അതിനാല്‍, തീവ്ര വലതുപക്ഷം ഇക്കുറി അധികാരത്തിലെത്തുമെന്ന് പൊതുവേ പ്രതീക്ഷിക്കപ്പെടുന്നില്ല.
എന്നാല്‍, ഇതില്‍ മറ്റൊരു സര്‍ൈ്രപസ് സാധ്യത ഇടതുപക്ഷത്തെ സംബന്ധിച്ചുള്ളതാണ്. പഴയ ഇടതുപക്ഷ പാര്‍ട്ടി നേതാക്കളും അംഗങ്ങളും ചേര്‍ന്ന് രൂപീകരിച്ച ബി എസ് ഡബ്ള്യു എന്ന പുതിയ പാര്‍ട്ടി തെരഞ്ഞെടുപ്പില്‍ ചെറിയ ചലനമുണ്ടാക്കാന്‍ ഇടയുണ്ടെന്ന് കരുതപ്പെടുന്നു. എന്നാല്‍, സോഷ്യലിസ്റ്റ് രീതികളെക്കാളുപരി, തീവ്ര ഇടതുപക്ഷ മുഖമാണ് ബി എസ് ഡബ്ള്യുവിനുള്ളത്. തീവ്ര വലതുപക്ഷത്തിനു ബദല്‍ തീവ്ര ഇടതുപക്ഷമല്ല എന്ന ബോധ്യം മുഖ്യധാരക്കാര്‍ക്കുമുണ്ട്.
വോട്ടിംഗിന് മുമ്പായി പാര്‍ട്ടികള്‍ അവസാന മിനുക്കില്‍
ഞായറാഴ്ച പോളിംഗ് ബൂത്തിലെത്തുന്ന ജര്‍മനി ആഗോളവും ആഭ്യന്തരവുമായ പ്രശ്നങ്ങളുടെ ഒരു പരമ്പര തന്നെ അഭിമുഖീകരിയ്ക്കുമ്പോള്‍ ജര്‍മ്മന്‍കാര്‍ മറ്റൊരു ബഹുകക്ഷി സഖ്യത്തെയാണ് പ്രതീക്ഷിയ്ക്കുന്നത്.
ജര്‍മ്മനിയിലെ ഫെഡറല്‍ തെരഞ്ഞെടുപ്പിന് രണ്ട് ദിവസം മാത്രം ബാക്കി നില്‍ക്കെ, വോട്ടര്‍മാരുടെ മനസ്സ് മാറ്റാന്‍ അധികം സമയമില്ലാതെ രാഷ്ട്രീയ പാര്‍ട്ടികള്‍ പ്രചാരണത്തിന്റെ അവസാന ഘട്ടത്തിലാണ്.
നിലവില്‍, വലതുപക്ഷ പ്രതിപക്ഷ പാര്‍ട്ടികള്‍ വോട്ടെടുപ്പില്‍ ലീഡ് തുടരുന്നു, യാഥാസ്ഥിതിക ക്രിസ്ത്യന്‍ ഡെമോക്രാറ്റിക് യൂണിയനും (സിഡിയു) അതിന്റെ ബവേറിയന്‍ സഹോദര പാര്‍ട്ടിയായ ക്രിസ്ററ്യന്‍ സോഷ്യല്‍ യൂണിയനും (സിഎസ്യു) 30% പിന്തുണയും തീവ്ര വലതുപക്ഷ ആള്‍ട്ടര്‍നേറ്റീവ് ഫോര്‍ ജര്‍മ്മനി (എഎഫ്ഡി) 20% പിന്നിലുമാണ്.
നിലവിലെ ചാന്‍സലര്‍ ഒലാഫ് ഷോള്‍സിന്റെ മധ്യ~ഇടതുപക്ഷ സോഷ്യല്‍ ഡെമോക്രാറ്റിക് പാര്‍ട്ടി (ടജഉ) 15% വോട്ടുകളുമായി മൂന്നാം സ്ഥാനത്താണ്, അതേസമയം അവരുടെ സഖ്യകക്ഷികളായ ഗ്രീന്‍ പാര്‍ട്ടി 13% ന് മുകളില്‍ നാലാം സ്ഥാനത്താണ്.
കുടിയേറ്റവിരോധവും, കുടിയേറ്റക്കാര്‍ നിരന്തരം നടത്തുന്ന അക്രമപരമ്പരയും ഒക്കെ എഎഫ്ഡിയുടെ വളര്‍ച്ചയയ്ക്കും, മുന്നേറ്റത്തിനും കാരണമാവുന്നത് ജര്‍മന്‍കാര്‍ക്കുതന്നെ ഒരു വലിയ പേടി സ്വപ്നമായിമാറിയിരിയ്ക്കയാണ്. സാമ്പത്തികവും കുടിയേറ്റവും ആണ് ഇത്തവണടത്ത മുഖ്യ തെരഞ്ഞെടുപ്പ് വിഷയം.
ജര്‍മ്മനിയുടെ തിരഞ്ഞെടുപ്പില്‍ ഡൊണാള്‍ഡ് ട്രംപ് ആശംസകള്‍ നേര്‍ന്നു.
|
|
- dated 22 Feb 2025
|
|
|
|
Comments:
Keywords: Germany - Otta Nottathil - germany_election_day_2025 Germany - Otta Nottathil - germany_election_day_2025,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
